Maidir leis an láithreán gréasáin seo

Foinse na sonraí cógais

Is go díreach ó ‘Bhunachar Sonraí Táirgí an Aontais', bunachar sonraí AE a thagann an fhaisnéis atá le feiceáil ar an láithreán gréasáin seo, ina mbailítear agus ina stóráiltear faisnéis faoi tháirgí íocshláinte tréidliachta atá údaraithe san AE/LEE.

Cuireann an t-údarás rialála cógas a d’údaraigh úsáid an chógais an fhaisnéis faoi gach cógas isteach sa bhunachar sonraí. Tá an t-údarás seo freagrach as iomláine agus cruinneas na faisnéise a áirithiú.

D’fhéadfadh ceann amháin díobh seo a leanas a bheith ina údarás freagrach:

• an rialtóir um chógais tréidliachta i mBallstát AE nó i dtír LEE (an t-údarás inniúil náisiúnta), más rud é go bhfuil an cógas údaraithe go náisiúnta lena úsáid i dtír amháin nó níos mó;
• an Ghníomhaireacht Leigheasra Eorpach (EMA), más rud é go bhfuil an cógas údaraithe go lárnach lena úsáid ar fud AE/LEE.

Is féidir a fháil amach céard é an t-údarás atá freagrach as gach cógas ar leathanach an chógais faoi ‘Sonraí an údaraithe’.

Déantar an láithreán gréasáin a nuashonrú go huathoibríoch a luaithe a bheidh faisnéis nua nó faisnéis nuashonraithe ar fáil sa bhunachar sonraí. Is féidir nuashonruithe ar an láithreán gréasáin seo a rianú ar ár leathanach an méid atá nua.

Coimeádann EMA an láithreán gréasáin seo i gcomhar le húdaráis rialála cógas AE/LEE, agus leis an gCoimisiún Eorpach.

Tuilleadh eolais:

• EMA: Údarú cógas
• EMA: Údaráis inniúla náisiúnta (tréidliachta)
• Bunachar Sonraí Táirgí an Aontais (ar fáil d’údaráis inniúla náisiúnta agus do shealbhóirí údaruithe margaíochta)

Beartas teanga

Tá an láithreán gréasáin seo ar fáil i ngach teanga oifigiúil an Aontais Eorpaigh (AE) agus san Íoslainnis agus san Ioruais araon.

Is féidir do rogha teanga a roghnú ag an mbarr ar dheis de gach leathanach ar an láithreán gréasáin.

Cógais a chuardach

Is féidir cógais a chuardach ar an láithreán gréasáin seo agus do theanga roghnaithe á húsáid agat.

Áirítear leis sin cuardach a dhéanamh ar chógais nach bhfuil údaraithe i dtír ina n-úsáidtear do theanga roghnaithe. Mar sin féin, d’fhéadfadh ainm an chógais agus roinnt faisnéise eile i liosta na dtorthaí cuardaigh a bheith i dteanga eile, ag brath ar an tír a d’údaraigh é.

Faisnéis maidir le cógais

Tá fíricí tábhachtacha faoi na cógais uile atá le fáil ar an láithreán gréasáin seo ar fáil i do theanga roghnaithe. Áirítear leis sin, mar shampla, an spriocspeiceas, an bealach tabhartha agus an fhoirm chógaisíochta.

Seans nach mbeidh faisnéis eile ar fáil ach i dteanga eile. D’fhéadfadh Béarla nó teanga/teangacha na tíre a d’údaraigh an cógas a bheith i gceist. 

Áirítear leis sin, mar shampla, roinnt faisnéise a thaispeántar ar leathanach an chógais, ar bhileog an phacáiste agus sna doiciméid maidir le hachoimre ar shaintréithe an táirge.

Cosaint sonraí

Le go n-oibreoidh an láithreán gréasáin seo i gceart duitse, cuirimid comhaid bheaga sonraí ar a dtugtar fianáin ar do ghléas. Is féidir leat a chinneadh cé acu an rianófar nó nach rianófar thú leis na fianáin sin. Is féidir na fianáin a scriosadh tráth ar bith. Le tuilleadh faisnéise a fháil, féach:

• Fianáin

Maidir le sonraí cógais agus doiciméid a fhoilsítear ar an láithreán gréasáin seo, is iad na heagraíochta a leanas a dhéanann iad a phróiseáil agus a sholáthar:

• na húdaráis inniúla náisiúnta agus na sealbhóirí údaruithe margaíochta le haghaidh cógas atá údaraithe trí nósanna imeachta náisiúnta, i gcomhréir leis an Rialachán Ginearálta maidir le Cosaint Sonraí (RGCS) (Rialachán (AE) 2016/679).
• an Coimisiún Eorpach agus an Ghníomhaireacht Leigheasra Eorpach le haghaidh cógas atá údaraithe go lárnach, i gcomhréir le Rialachán AE maidir le Cosaint Sonraí (RCS AE) (Rialachán (AE) 2018/1725).

Tá faisnéis maidir leis an gcaoi a ndéanann an EMA sonraí pearsanta a phróiseáil ar fáil ar láithreán gréasáin EMA:

• EMA: Cosaint sonraí agus príobháideachas

Le haghaidh ceisteanna maidir le cosaint sonraí, téigh i dteagmháil le dataprotection@ema.europa.eu.

Teagmháil

I gcás ceisteanna faoi chógas ar leith, téigh i dteagmháil le sealbhóir an údaraithe margaíochta nó leis an údarás atá freagrach. Is féidir a fháil amach cé hiad ar leathanach an chógais faoi ‘Sonraí an údaraithe’.

Chun tacaíocht theicniúil a fháil maidir leis an láithreán gréasáin seo, bain úsáid as EMA Service Desk. 

Gluais

Chun sainmhínithe a fháil ar na príomhthéarmaí rialála a úsáidtear ar an láithreán gréasáin seo, déan gluais EMA na dtéarmaí rialála a sheiceáil. I mBéarla amháin atá an ghluais ar fáil:

• EMA: gluaiseanna

Creat dlíthiúil

Feidhmíonn an bunachar sonraí a chuireann taca faoin láithreán gréasáin seo, ar a dtugtar ‘Bunachar Sonraí Táirgí an Aontais’, chun dlí cógaisíochta AE a chur chun feidhme sa Rialachán maidir le Táirgí Íocshláinte Tréidliachta (Rialachán (AE) 2019/6). Is iad seo a leanas cuid de chuspóirí an Rialacháin:

• trédhearcacht a mhéadú maidir le táirgí íocshláinte tréidliachta arna n-údarú lena n-úsáid in AE/LEE;
• tacú le faisnéis faoi tháirgí íocshláinte tréidliachta a chomhchuibhiú;
• uirlis iontaofa a chur ar fáil do chleachtóirí tréidliachta chun na roghanna cóireála atá ar fáil a mheas agus a chur i gcomparáid le chéile.

Sheol Ballstáit AE agus tíortha LEE, an Coimisiún Eorpach agus EMA an láithreán gréasáin seo ar an 28 Eanáir 2022. Coimeádann EMA an láithreán gréasáin seo i gcomhar le Ballstáit AE agus tíortha LEE, agus leis an gCoimisiún Eorpach.